Сүүлийн жилүүдэд Чингис хотод хотын автозамын өргөтгөл, шинэчлэл болон цэвэрлэх байгууламж, дулааны станцын бүтээн байгуулалттай холбоотой инженерийн шугам шинэчлэлийн ажлууд хийгдсэн. Тэгвэл иргэдийн олонхийн саналыг авч, ОНХС-ийн хөрөнгөөр хийгдэхээр тусгагдсан ажлуудаас URAGSHAA.MN онцолж байна.
Хэрлэн сумын ЗДТГ-аас 2024 онд Чингис хотын төвийн 4 байршилд явган хүний зам барихаар сумын Орон нутгийн хөгжлийн сангийн төсөвтөө тусгажээ. Тодруулбал, Эвт худалдааны төвийн уулзвараас Хэрлэн хорооллын уулзвар хүртэл, Хорихын уулзвараас Петровис ШТС-ын уулзвар хүртэл, Төв Хаан банкнаас Баянмөнх багийн төвийн уулзвар хүртэл, УЦУОША-ны уулзвараас Улаанбаатар хотруу гардаг МТ ШТС хүртэл гэсэн 4 байршилд явган хүний замын бүтээн байгуулалт өрнөх нь ээ.

Энэхүү явган хүний замын бүтээн байгуулалт нь иргэдийн санал дэмжлэгийг авсан ажлуудын нэг бөгөөд хотын төвөөр хийгдэх шугам сүлжээний ажлуудтай давхцал байхгүй гэдгийг албаны хүмүүс онцолж байна.